Arbeidsgjevar:
Stillingstittel:
Søknadsfrist:
Kinn kommune
Rektor
16. februar
Kinn kommune har ledig 100% fast stilling som rektor/tenesteleiar ved Vågsøy ungdomsskule. Stillinga er ledig frå 01.08.2025, og det er ønskjeleg at ny rektor kan starte tidlegare. Leiinga ved skulen består av rektor og to inspektørar, samt ein merkantilt tilsett. Rektor sin næraste leiar er kommunalsjef for oppvekst og undervisning.
Vågsøy ungdomsskule ligg i Måløy sentrum, og har opptaksområde for elevar på ungdomstrinnet i Måløy-delen av Kinn kommune. Skulen var ny i 2018, og både skulebygg og uteområde er framtidsretta og godt tilrettelagt for elevar og tilsette. Det er gangavstand til varierte naturområder og kulturinstitusjonar som kan nyttast i opplæringa.
Hausten 2025 har skulen 235 elevar, fordelt på 3 undervisningsgrupper/klasser pr årstrinn og 39 tilsette.
Vågsøy ungdomsskule har lærarar med god utdanning i alle fag, er teamorganisert og jobbar i profesjonsfaglege læringsfellesskap i fellestid til beste for elevane si læring. Skulen si målform er nynorsk. 36% av elevane har bokmål som hovudmål.